A transición enerxética nas Conversas no Parador de Ferrol, con Manuel Lara Coira. “O peche da térmica das Pontes es inevitable” asegurou o profesor
O profesor da Escola Politécnica Superior (EPS) da Universidade da Coruña (UDC) Manuel Lara Coira participou o venres 22 de novembro no ciclo “Conversas no Parador” para falar da transición enerxética. Comezóu sinalando que a xeración de enerxía eléctrica con carbón «pinta mal», xa que estimou que «é inevitable» o peche da central térmica das Pontes «debido a que non van resultar rendibles para a xeración eléctrica, a consecuencia da subida dos custos das emisións».
O docente destacou que «desde o ano 2002 sabíase que o fin da economía do carbón tiña data, e isto o que xera é un problema social, moi gordo, que se ha ir manexando, coa mellor intención do mundo e onde todos os gobernos han ir toureando». Estas manifestacións realizounas o profesor universitario do Campus de Ferrol dentro do ciclo “Conversas non Parador”, que organiza o Club de Prensa de Ferrol no Parador de Turismo desta cidade, nunha disertación que levaba por título “Transición Enerxética e a súa repercusión en Galicia”. Xunto a el atopábanse a presidenta do Club, Xulia Díaz; o presidente de honra, Man Castro; e o director do Parador, José Antonio Cedena.
“Vivimos continuas reclamacións de Bruxelas dicíndonos que tiñamos que ir acabando con isto (en alusión á produción con carbón), pero bo, un goberno, outro goberno e chegamos ao ano 2012 que era a data final, pero tampouco a cumprimos”, manifestou e que isto levou a outro escenario. «Xa que as instancias técnicas e políticas non deron resultado, imos tocar a que sempre funciona, a económica», destacou e Lara Coira engadiu que «estas centrais van pechar porque non van resultar rendibles, tras a subida dos custos das emisións».
VARIOS CULPABLES
O profesor universitario, destacou que no caso das empresas eléctricas teñen unha actitude de que «á min mentres me deixen botar fume eu voulle dando». «Os políticos están, ademais, de acordo porque pola contra vanse a atopar cunha chea de xente que queda sen ter que facer, como pasou primeiro coa minería, que se solucionou importando carbón, pero agora o problema é das propias centrais con todo o que teñen á súa ao redor, como é o caso do transporte», engadiu.
Así mesmo, Manuel Lara destacou que «isto a única forma de estiralo un pouco é que os que pagamos, paguemos máis», unha solución que mostrou como non moi satisfactoria. En canto á utilización de combustibles alternativos para combinar co carbón, estima o profesor que «esta idea queda ben, pero cando se deseña unha central térmica de carbón deséñase para isto, cuns caudais, unhas temperaturas e cambialo para iso é moi complicado».
RENOVABLES
Manuel Lara Coira apuntou que as enerxías renovables, como son as eólicas, solar e hidráulicas, representan a día de hoxe «aproximadamente un 40% do total do combinado» e que o principal problema «é como se pode almacenar esta enerxía que en moitas ocasións xérase de maneira puntual». Tamén puxo encima da mesa unha solución que desde o seu punto de vista axudaría a facer mais eficiente o sistema eléctrico, con «a interconexión de todas as redes», xa que asegurou que «estas limitacións nos afectan tamén moito».