A revista FerrolAnálisis foi creada polo Club de Prensa de Ferrol (Asociación sen ánimo de lucro que agrupa aos profesionais e colaboradores dos "medios"), en 1990.

Naceu ao fío da tradición existente en Ferrol, prolífico en publicacións, emanada dun amplo grupo de persoas vinculadas directa e indirectamente aos medios de comunicación; desexosos de exercitar metodicamente a reflexión coa maior transparencia posible, libre de prexuízos, xurdida do libre pensamento sen fronteiras, vertebrando a súa temática do local ao universal.