Empresa Nacional Bazán: 50 aniversario

1997 | 93 páxinas

O libro recompila fotografías extraídas da inxente colección de álbums que atesoura a factoría ferrolá. Iníciase en 1914 e finaliza en 1970, descartándose o último cuarto de século (XX), por ser un período máis fresco na memoria colectiva. Nas imaxes apréciase a evolución tecnolóxica e as profundas transformacións, desde a máquina de vapor á turbina, desde o remachador á polivalencia profesional. Non falta o rostro humano, o gran protagonista: o neno da Escola Obreira, o aprendiz das Escolas de Bazán, o operario, o mestre, o técnico. A gran colectividade social do progreso.